整籮蔔糕最艱辛就係撈粉呢個步驟！話說呢個時候蘿蔔剛剛煮滾熄火，然後將粘米粉倒入監生撈勻，雖說逐少逐少落粉，但呢盤野好杰，越撈越杰，當成包粉倒晒入去再撈，根本好難推，我意思係好難用個鏟/棍/大匙羹去搞，因為杰到發唔到力！呢個時候我好想用手插入鑊撈，一定快同撈得均勻，但呢鑊野呢個時候仍然處於七十多度，好熱下架！好喇，加啲水等佢易撈啲可以嗎？只可加最多半碗水，視乎情況啦，因為太稀底糕蒸起會削！咁究竟要幾杰先啱呢？講真嘅，真係靠經驗，我只可以講，杰度係令人難推開果種。。。
所以呢，當大家食我整嘅籮蔔糕時，敬希好好品嚐，細味一下我用腰力、腕力、肩膀力換回來嘅成果，謝謝😊